اللي معاه فلوس في البلد قدامه حاجة من ثلاثة :
1- يلم فلوسه ويسافر بره أي بلد نضيفة يستسمر فيها على نضافة.
2- يقضيها في البلد دي رشاوي وفساد وبالمرة ينضم للحزب و يشتري لنفسه مكان في مجلس الشعب وبعد كدة في لجنة السياسات وبعد كده يبقي وزير وبعد كده يموت وربنا يحاسبه.
3- آخر إختيار إنه يشتغل على نضافة ويفتح شركات ويشتغل عشان مصلحة الوطن ويدعم الإقتصاد المصري وبعد كده تيجي شلة حرامية ونصابين ومزورين وسفاحين وشياطين وظلمة ياخدوا فلوسه ويشردوه ويرموه في السجن ويجمدوا فلوسه ويقفلوا شركاته ويحولوه محاكمة عسكرية.
اللي عاوز يعرف الفرق بين الأصناف دي يتفرج ع الصور ويشوف الفرق
يشوف الفرق بين خيرت الشاطر و ممدوح سالم
يشوف الفرق بين عبد الرحمن سعودي وأحمد عز
يشوف الفرق بين حسن مالك ورامي لكح
يبص على صورة أي واحد من اللي إتجمدت أموالهم واتقفلت شركاتهم واترموا في السجن وبيتحاكموا محاكمة عسكرية
ويبص على صورة أي واحد من اللي غرقوا الناس وحرقوهم وشردوهم في العبارات والقطرة والمحارق أو اللي احتكروا الحديد أو الي داخلين مجلس الشعب والشوري ولجنة السياسات والوزارة بفلوسهم
بص على الوشوش وانت تعرف الفرق شوف كل واحد بيفكرك بإيه
بيفكرك بالشرف والأمانة والطهارة والنضافة والتضحية والحب والنقاء والإيجابية والعمل والحرية
ولا بيفكرك بالفساد والخراب والإحتكار والرشوة والخيانة والنفاق و التزوير والتزييف والبلطجة والقهر والبطش والإفترا والتدليس و الظلم والسرقة والإختلاس والمحسوبية.
هاخنقك أكتر وأوضحلك الفرق أكتر
يص على عائشة حسن مالك و عينها بتدمع على أبوها وهي بتكلمه من وراء الأسلاك ونفسها ياخد إفراج
وبص على صورة جمال مبارك وهو قاعد ورا أبوه بيبحلق فى الكاميرات ومستني لما الكرسي يفضى عشان يقعد عليه
شقت بأه الفرق بين عائشة وجمال
هناك ٨ تعليقات:
jazak allah khairan el post 7ilw bigad 3agabny gedan we isaaa rabena yfook karbeena kolinaaaaa
khadigamalek
ياعم ياطبيب يابارع
قلبت علينا المواجع
بقي ينفع الرجل الرائع
تشبهه بواحد أصله ضايع
طبيب بس متقاعد
* أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ ...
( البقرة- الجزء الثاني )
يااااااه الفرق كبير بين الاتنين
وسبحان الله .. شوف ده قد ايه ودى قد ايه
بس تصدقوا ان ضفر عائشة بمائة رقبة من رقاب جمال
واعلم دكتورنا قول الله عز وجل :
" ولا تحسبن الله غافلا عما يعمل الظالمون انما يؤخرهم ليوم تشخص فيه الابصار "
انت عملت مقارنه جيده
جزاك الله خير
تحياتى
لا وجه للمقارنة بين عائشة وجمال . هى قصيرة خالص وهو طويل وأهبل( المقارنة مجحفة حدا)
بس التدوينة دى شديدة جدا جدا جدا
هههههههههههههههه مصر والله انا كرهتها من الظلم والاهانه ومينفعش حد يعيش فيها غير الريس وولاده بس اه ونسيت واللي معها فلوس مش بس واللي يغير زمته واللي يبيع ضميره واللي يكدب واللي ينصب بتهيقالي اللي يسرق واللي ينهب بقي مش حرام اه حقيقي مش حرام اصل خلاص بلدنا بقت مجاعه مينفعش يعيش فيها غير الوزير والريس والكبير واللي معاها فلوس انما المظليم دول ملهمش عيشها في مصر لكن ليهم حق عند ربنا نفسي اقول حاجه بس للا سف مقدرش اقولها قدام الريس لكن للاسف لو قلتها او اتعرفت انا مين يبق ضعت انا واقريبي نفسي اقولك ا عمل حاجه لمصر ياريس قبل ما تموت والله العظيم مهتخد حاجه معاك وانت رايح لربنا غير حاجه واحده بس زنوبك وظلمك لمصر مغالي علينا العيشه في ناس تحت الصفر
متقلقيش يا عائشه واوعي تياسي يابنتي واوعي تفكري اكمن جمال اطول منك بقي خلاص هههههه وتروحي تقولي لماما مليش دعوه عاوزه اطول اشمعنا جمال بيه
ههههههههههههههه بيه ال ماما هترد
عليكي تقولي عائشه الطول خيبه والقصر هبه شوفي حتي الفرق بين مبارك ابوه وهو قصير وطويل هههههههههههههههههههههههههههههههههههههههههههههههههههه
إرسال تعليق